लिम्बूभाषीविद्यार्थीहरूले स्तरीयनेपालीभाषाको पदसङ्गतिमागर्ने त्रुटिहरूको अध्ययन {Limbubhashi Bidyarthiharuko Stariya Nepali Bhashako Padsangatima garne Trutiharuko Adhyayan}

Abstract

प्रस्तुत “लिम्बूभाषी विद्यार्थीहरूले स्तरीय नेपाली भाषाको पदसङ्गतिमा गर्ने त्रुटिहरू” शीर्षकको शोध रहेको छ । लिम्बू मातृभाषी विद्यार्थीहरूले नेपाली भाषालाई दोस्रो भाषाको रुपमा सिक्दा लिम्बू भाषाको प्रभाव नेपाली भाषामा पर्न सक्ने हुँदा नेपाली भाषा सिक्ने सिकारूका लागि यो अध्ययन तयार पारिएको छ । यस अनुसन्धानको उद्देश्य आधारभूत तहमा अध्ययनरत कक्षा ६ र ७ का लिम्बू मातृभाषी विद्यार्थीहरूले स्तरीय नेपाली भाषा सिक्दा पदसङ्गतिमा गर्ने त्रुटिहरू पहिचान गर्नु, उक्त त्रुटिका कारणहरू पत्ता लगाउनु, उक्त त्रुटिहरूको निराकरणका लागि आवश्यक सुझावहरू प्रस्तुत गर्नु रहेको छ । यस अध्ययनको क्षेत्र लेटाङ नगरपालिकामा सीमित रहेको छ । यस नगरपालिकाका ३ वटा विद्यालयहरूका नमुना छनोट विद्यार्थीहरूलाई विषयगत, वस्तुगत तथा स्वतन्त्र लेखन र मौखिक प्रश्नहरूका आधारमा प्राप्त निष्कर्ष अनुसार व्याख्या विश्लेषण र त्रुटि हुनाका कारण एवम् सुझाव प्रस्तुत गरिएको छ । प्रस्तुत अनुसन्धानमा परिच्छेद एकमा शोधपत्रको रूपरेखा, परिच्छेद दुईमा सैद्धान्तिक साहित्यको पुनरावलोकन राखिएको छ यस अन्तर्गत सम्बन्धित साहित्यको पुनरावलोकन, पुनरावलोकनको उपादेयता र सैद्धान्तिक अवधारणात्मक ढाँचा समावेश गरिएको छ । त्यसै गरी परिच्छेद तीनमा अध्ययन विधि र प्रक्रिया, परिच्छेद चारमा नतिजाको व्याख्या एवम् विश्लेषण तथा परिच्छेद पाँचमा निष्कर्ष, सुझाव र भावी अनुसन्धान रहेको छ ।